Ministrja e Mbrojtjes, Mimi Kodheli, ka inspektuar nga afër punën e Emergjencave Civile për vënien në kontroll të zjarreve në qarkun e Vlorës, të cilat rrezikojnë një repart ushtarak dhe një pikë grumbullimi fishekzjarresh.
Kodheli u bëri thirrje qytetarëve të mbështesin strukturat e angazhuara në shuarjen e zjarreve.
“Zjarret janë të qëllimshme për të dëmtuar imazhin e Shqipërisë, janë të qëllimshme për arsye të tjera të cilat nuk i di. I lutem qytetarëve të mund të japin informacione për të gjithë ata që këto zjarre i vënë qëllimisht.
Eshtë e pamundur që në të gjithë Shqipërinë dikush ndez një shkrepësë dhe shkakton një zjarr të madh. Në këtë moment kemi zjarr në Mallaksatër, Dropull, Ulëz, ka zjarre të pashuara. Është e pamundur që të mund të dominojmë të gjitha zjarret në të gjithë Shqipërinë përsa kohë ka njerëz që vënë zjarre qëllimisht”, u shpreh Kodheli.
/tesheshi.com/
