Zjarri që ra në një kompleks turistik sot në Velipojë, nga i cili mbeten disa të plagosur është shkaktuar nga shpërthimi i një çisterne me gaz që ndodhej në bodrumin e lokalit ku ra fillimisht zjarri.
Fillimisht u mendua se pati një shpërthim të bombulës së gazit në kuzhinë.
Inspektoriati Shtetëror Teknik dhe Industrial deklaron se: “Bombulat e gazit janë në rregull, pra nuk kanë plasur bombulat e gazit. Inspektorët janë futur në ambjentet e lokalit dhe në bodrum ka pasur një çisternë 1 mijë litërshe me gaz për përdorim në kuzhinë. Ka rrjedhur gazi i kësaj depozite që ka bërë të mundur shpërthimin”.
Policia në orët e mesditës ka dhënë informacionin e parë për ngjarjen:
“Në plazhin Velipojë te Kompleksi Fishta rreth orës 10:00 kemi marr njoftim se ka rënë zjarr në një lokal.
Nga informacionet paraprake informohemi se janë tre shtetas të lënduar, ndër to edhe pronari lokalit shtetasi B. Z. 55 vjeç në gjendje të rëndë për jetën, i cili po dërgohet drejt Spitalit të Traumës për ndihmë mjeksore më të specializuar. Si dhe shtetasi H. Z. dhe shtetesja S. S. 19 vjeçe, të cilët po dergohen për në Spitalin Rajonal Shkodër janë jashtë rreziku për jetën.
Menjëherë në vendgjarje kanë shkuar forcat e FNSH, MNZ dhe shërbimet e policisë, dhe emergjencat civile, të bejnë të mundur edhe evakuimin e banorëve.”- informon policia.
Ky rast tregon se sa pak kontroll ka mbi resortet turistike në vend për sigurinë e pushuesve./tesheshi.com/
