Ashtu siç ishte parashikuar, fatkeqësisht numri i viktimave të shkaktuara nga zjarri në një pyll të Portugalisë, është rritur. Deri tani janë zyrtarisht raportohet se 62 personakanë humbër jetë. Shërbimet e emergjencës ende nuk kanë arritur në një pjesë të madhe të zonave të prekura nga zjarri, ndaj pritet që numri i viktimave të rritet më tej.
Një numër i konsiderueshëm i atyre që humbën jetën po tentonin t’i iknin flakëve të zjarrit. 18 persona u gjetën në makinat e tyre të karbonizuar, në rrugën që të nxirrte nga pylli. Mbrëmjen e kaluar, 4 vatra zjarri u përhapën në pika të ndryshme duke u shpërndarë në një sipërfaqe të madhe të pyllit Pedrógão Grande. Jo shumë kohë pas rënies së zjarrit numri i vatrave të zjarrit shkoi në 60. Për autoritetet nuk është ende e qartë se çfarë e shkaktoi zjarrin, por stuhitë, rrufetë të kombinuara me një mot tepër të nxehtë, me temperatura më të larta se 40 gradë celcius, mendohet se janë shkaku./tesheshi.com/
