Viktima e parë e identifikuar nga zjarri që ran ë kullën Grenfell në Londër, është refugjati sirian 23-vjeçar, Mohammed Alhajali. Emri i tij u publikua nga Fushata e Solidaritetit me Sirinë. Në një deklaratë, organizata tha se studenti i Inxhinierisë ndodhej në në apartament në katin e 14-të kur shpërtheu zjarri dhe kaloi dy orë në telefon me një mik në Siri. Ai po përpiqej të lidhej me familjen e tij ndërsa priste që të nxirrej nga ndërtesa nga zjarrfikësit.
Organizata tha se Mohammed i dha lamtumirën mikut të tij në telefon kur pa që zjarri po e arrinte dhe i kërkoi t’i përcillte mesazhin edhe familjes së tij. “Mohammed erdhi në këtë vend për të gjetur siguri dhe ky vend nuk e mbrojti”, thotë organizata.
Ndërkaq, kryeministrja britanike Theresa May ka urdhëruar një hetim të plotë të zjarrit që shkaktoi të paktën 17 viktima. Bilanci pritet të rritet, pasi zjarrfikësit nuk presin të gjejnë të mbijetuar të tjerë në ndërtesë. /tesheshi.com/
