Protestuesit që kërkojnë të ndihmohen njerëzit e lënë pa strehë nga zjarri në Grenfell Tower, në Londër kanë hyrë me forcë në ndërtesën bashkiake të Kensigtonit dhe Çelsit, me një listë kërkesash për autoritetet. 50 deri në 60 persona u shkëputën nga protesta që po zhvillohej përpara godinës për të hyrë brenda ndërtesës së këshillit.
Një përfaqësues i publikut tha se të pastrehët e kullës Grenfell kanë nevojë për ndihmë të menjëhershme.
Pasi u takua me të mbijetuarit në afërsi të kullës së djegur, kryeministrja Theresa May njoftoi për një fond prej 5 milionë paundësh që do të paguhet për furnizimet e emergjencës, ushqim, veshje dhe sende të tjera.
Përpara qendrës Clement James, në Kesingtonin Verior ku u mbajt takimi u vu re zemërim i turmave.
Policia thotë se të paktën 30 njerëz kanë humbur jetën si pasojë e zjarrit dhe me gjasa bilanci mund të rritet. Vetëm tre nga viktimat janë mundur të identifikohen.
Protesta përpara Bashkisë nisi rreth orës tre dhe pas kësaj ore, turmës iu bashkuan edhe dhjetëra njerëz të zemëruar. /tesheshi.com/
