Radio-Televizioni i Malit të Zi njofton se një zjarr ka përfshirë kodrën Bijela Gora, që ndodhet në hyrjen e Ulqinit, gjë që ka detyruar evakuimin e shumicës së familjeve, ndërkohë që një avion po tenton të shuajë zjarrin.
Për momentin thuhet se disa shtëpi janë të sigurta, ndërsa zjarrfikësit falendërojnë vendasit që po ndihmojnë dhe kontribojnë në fikjen e zjarrit.
Shefi i zjarrfikësve të Ulqinit, Flamur Seloviç ka thënë se zjarri ka dalë jashtë kontrollit të zjarrfikësve dhe se ka shkrumbuar dy shtëpi tashmë.
Ai ka paralajmëruar se situata në terren është plotësisht kaotike dhe se nuk di saktësisht sa është sipërfaqja e përfshirë nga zjarri.
Në ndihmë të zjarrfikësve të Ulqinit kanë dalë edhe kolegët e tyre nga Tivari dhe Budva.
Zjarri ka shpërthyer rreth orës 12:00, e më pas është përhapur erës deri tek shtëpitë në kodër. /tesheshi.com/
