Dyshohet se një predhë izraelite ra mbi një grup gazetarësh të huaj që mbulonin përleshjet përgjatë kufirit Izrael-Liban, duke vrarë një person dhe duke plagosur gjashtë të tjerë.
Një fotograf i AP pa trupin e gazetarit të vdekur në vendngjarje dhe Reuters konfirmoi se ishte kameramani i tyre, Issam Abdallah.
“Issam ishte me ekipin e lajmeve të Reuters në Libanin jugor përgjegjës për sigurimin e sinjalit për transmetimet drejtpërdrejt. Ne do të kërkojmë informacion të detajuar rreth ngjarjes tragjike,” raportoi Reuters.
Gazetarët e Reuters, Thaer Al-Sudani dhe Maher Nazeh u plagosën në sulm. Mes të plagosurve ishin dy gazetarë të Al Jazeera-s, Elie Brakhya dhe Carmen Joukhadar.
Gazetari Abdallah është i vendosur në Bejrut dhe në kohën e vdekjes së tij ai ishte afër fshatit kufitar libanez Alma al-Shaab kur një predhë goditi kamerën e tij.
Ai ishte në shoqërinë e gazetarëve të AFP-së dhe Al Jazeera-s. Një video e shpërthimit është publikuar në rrjetet sociale, duke lënë të kuptohet se kamera është goditur nga një predhë. Dëgjohet zëri i një gruaje duke bërtitur teksa ishte plagosur qartë nga sulmi: “Çfarë ndodhi? Çfarë ndodhi? Nuk i ndjej këmbët”.
🚨📹Sorry I missed this. From 50 minutes ago.
Israel strikes a Reuters team in southern Lebanon. 1 dead and 3 injured.
Journalist woman in the video is screaming "i can't feel my legs". pic.twitter.com/iR0NYB7M06
— Middle East Observer (@ME_Observer_) October 13, 2023
Një video e dytë u publikua gjithashtu ku tregohej një automjet që digjet dhe një grua e shtrirë. Ajo ka veshur një jelek antiplumb me mbishkrimin PRESS. Aktualisht ka raporte të pakonfirmuara se ekipi i shtypit është goditur nga zjarri i artilerisë izraelite. /tesheshi.com/
