Ministria e Mbrojtjes e rajonit të Nago-Karabakut, e cila ka deklaruar shkëputjen nga Azerbajxhani, njoftoi sot 54 viktima të tjera ushtarake, duke e çuar numrin e përgjithshëm të vdekjeve në 158 në zonë, njoftoi Interfax.
Përplasjet midis trupave azerbajxhanase dhe forcave armene në rajon filluan në 27 shtator dhe janë bërë më të ashprat që nga lufta në vitet 1990.
Një zëdhënës i Ministrisë së Mbrojtjes së Armenisë, Shushan Stepanyan, deklaroi se përleshjet vazhduan këtë mëngjes dhe se forcat armate ajrore rrëzuan një avion dhe një dron të forcës ajrore të Azerbajxhanit.
Një zëdhënës tha se avionët u rrëzuan në orën 7:55 të mëngjesit në pjesën verilindore të Nago-Karabakut, njoftoi TASS.
“Luftimet vazhdojnë përgjatë gjithë vijës së frontit. Armiku nuk arriti të thyejë vijën e frontit në disa drejtime,” tha Stepanyan.
Por nga ana tjetër, Baku-ja deklaron triumfin e deritanishëm në luftime, duke postuar pasojat që shkakton te ushtria armike.Azerbajxhani dhe Armenia kanë shpallur gjendje lufte dhe kanë njoftuar mobilizimin. Të dy palët raportuan viktima, përfshirë civilë. /tesheshi.com/
https://twitter.com/i/status/1311925939224354817
