Ministrja e Arsimit Besa Shahini njoftoi shtyrjen e ditës së fundit të shkollës, duke iu referuar incidentit të një nate më parë në Shkodër, ku në shkollën “Shejnaze Uka” pati zjarrëvënie politike.
“Dita e fundit e mësimit është ditë e gëzueshme për nxënësit, të cilët kanë mbyllur mësimet, përshëndeten me shoqet e shokët dhe fillojnë pushimet. Por dhuna e ushtruar nga PD dje në shkollat e Shkodrës dhe paralajmërimi për të tjera shkolla sot, na bëri të shtyjmë këtë ditë të dashur për nxënësit në këto shkolla.
Më vjen keq që partitë e pashpresa, në sajë të dëshpërimit të tyre elektoral, po dhunojnë gjithçka që u del përpara! Por me dhunë nuk merret pushteti dhe këtë fakt shpresoj ta kuptojnë sa më parë”, u shpreh gruaja në krye të arsimit shqiptar.
Te shkolla “Shejnaze Uka” ishte instaluar KZAZ-ja e Shkodrës, por me urdhër të Bashkisë aty u ndërhy nga militanca e PD-së për ta zhbërë, gjë që çoi në djegien e materialeve zgjedhore, e më pas të disa ambienteve të shkollës. /tesheshi.com/
