Temperaturat e larta, por edhe zjarrvëniet e qëllimshme, duket se po shtojnë vatrat në zona të ndryshme të vendit, duke vënë në rrezik edhe banesat pranë këtyre zonave.
Së fundmi raportohet se njëzjarr ka përfshirë pyjet e fshatit Çikallesh, në Kavaje duke djegur dhjetëra hektarë.
Përparim Çaça, nënkryetari i Bashkisë së Kavajës, ka bërë një apel për ndihmë, duke e cilësuar gjendjen si kritike.
“Janë djegur 60 hektarë sipërfaqe me pisha. Na ka ardhur në ndihmë edhe ushtria, por ndërhyrja është e pamundur në rrugë tokësore. Nevojitet ndërhyrje me helikopter për të shuar flakët. I kemi bërë kërkesë për ndihmë Emergjencave Civile”, tha Çaça. /tesheshi.com/
