Një shtëpi është djegur sot në fshatin Dardhë në Shosh të Shkodrës, por fatmirësisht forcat zjarrfikëse kanë arritur të shpëtojnë në kohë familjen prej 8 anëtarësh.
Sipas mediave banesa në pronësi të shtetasit Dedë Zef Kosterit është djegur plotësisht.
Akoma nuk dihen ende rrethanat si ka rënë zjarri në këtë shtëpi, por ndërkohjë zjarret në të gjithë vendin po bëjnë kërdinë.
Qarku i Shkodrës ka ende vatra aktive zjarri dhe në disa prej tyre ka qenë e pamundur ndërhyrja e mjeteve të zjarrfikëses për shkak të mungesës së rrugës.
Helikopterët Viva, së bashku me ekuipazhin gjerman kanë ardhur në ndihmë të emergjencave civile, ushtrisë, e banorëve të zonës që kanë luftuar me flakët në Gur të Zi, në Rragam të Shkodrës.
Helikopterët kanë zhvilluar disa operacione, në përpjekje për të izoluar dhe vënë në kontroll vatrën e zjarrit në një terren të vështirë.
Dyshohet se disa prej zjarreve janë vënë qëllimisht.
Policia e Shkodrës ka arrestuar në flagrancë sot një shtetas të akuzuar për zjarrvënie të qëllimshme.
I arrestuari është 64-vjeçari Pjetër Pervata, banues në fshatin Hot i Ri, i cili dyshohet se i ka vënë zjarrin disa shkurreve, duke shkaktuar djegien e një sipërfaqeje prej rreth 5 dynym./tesheshi.com/
