Zjarret nuk kursejnë as pikat turistike. Së fundmi raportohet se flakët kanë përfshirë zonën e Syrit të Kaltër, një nga pikat turistike më të frekuentuara, sidomos në këtë periudhë të vitit.
Për shuarjen e flakëve janë angazhuar edhe helikopterët VIVA.
Ndërkohë që sipas Emergjencave Civile gjatë orëve të mëngjesit të sotëm janë riaktizuar flakët në fshatin Trovë të Ulzës.
Kreu i Emergjencave Civile, Shemsi Prençi, fajësoi disa bashki në vend për shkak të mosreagimit të tyre në lidhje me situatën e zjarreve.
Një ditë më parë tesheshi.com, duke iu referuar burimeve të Prokurorisë, paralajmëroi nisjen e hetimeve edhe për mbi 20 kryebashkiakë të cilët nuk kanë ngritur stacionet e zjarrfikësve apo nuk kanë marrë masa parandaluese për situate të tilla, ndërkohë që fondet janë përdorur në destinacione të tjera.
Prej më shumë se dy muajsh Shqipëria po përballet me një situatë të rëndë përsa i takon zjarreve, ndërsa ende nuk ka një bilanc mbi sipërfaqet e djegura. Në shumicën e rasteve zjarret konsiderohen të qëllimshme, ndërsa operacionet për shuarjen e tyre i kanë kushtuar buxhetit të shtetit 300 milionë lekë. /tesheshi.com/
