Dhjetëra zjarre që kanë shpërthyer javët e fundit në Meksikë kanë bërë që shtëllungat e tymit të kalojnë nga periferitë në qendrat e qyteteve, përfshirë këtu shtëpinë e 21 milion banorëve, Meksiko City-n.
Zyrtarët e kanë shpallur gjendjen e jashtëzakonshme dhe po u bëjnë thirrje njerëzve të qëndrojnë në ambiente të mbyllura, pasi nivelet e ndotjes shkojnë larg asaj që konsiderohet e shëndetshme për ekspozimin e njeriut.
Përqendrimet e grimcave të karbonit që lirohen në çdo djegie, si djegia e pemëve dhe bimëve gjatë zjarreve, arriti në 158 mikrogram për metër kub.
Përqendrimi i tillë mund të përkthehen ekuivalent me konsumimin e afro 7 cigareve në ditë.
Për krahasim, pas zjarreve të vitit të kaluar në Kaliforni, frymëmarrja në disa pjesë të shtetit konsistonte me efektin e pirjes së 13 cigareve në ditë.
Në nëntor të 2017-tës u raportua se si pasojë e ajrit të ndotur në Nju Delhi, frymëmarrja “kushtonte” me pirjen e 45 cigareve në ditë. /tesheshi.com/
