Përfshirja e helikopterëve në operacionin kundër zjarreve në Malësinë e Madhe bëri të mundur që disa banesa në këtë zonë të shpëtonin nga flakët.
Policia mësohet se ka ndaluar disa persona si të dyshuar për zjarrëvënie të qëllimshme, ndërsa situate tani është nën kontroll.
“Situata ishte e rëndë, por ndihma ishte konkrete dhe e madhe. Kërkuam ndihmë nga Tirana, erdhi dhe helikopteri dhe situata është normalizuar. Ka pasur 6 vatra zjarri dhe 4 kanë qenë në njësinë administrative Kastrat dhe një në Koplik, Falë organizimit të strukturave cdo gjë është normalizuar, nuk është djegur asnjë banesë. Unë mund t’i quaj të qëllimshme ku edhe policia ka ndaluar disa persona që dyshohet se mund ti kenë vendosur këto zjarre”, u shpreh kryebashkiaku Tonin Mariinaj.
Sikundër raportohet zonat më problematike ka qenë ajo e Gashajve, Vukpalajve dhe e Hotit. /tesheshi.com/
