Ambasada shqiptare në Athinë ka vendosur një numër kontakti për të gjithë qytetarët shqiptarë të prekur nga zjarret në Greqi.
Në një postim në Facebook thuhet se, “Ambasada shqiptare në Athinë shpreh ngushëllimet e saj më të sinqerta për familjet e viktimave të zjarreve në Greqi, dhe shprehim mbështetjen tonë të plotë ndaj autoriteteve greke. Theksojmë se Ambasada është vënë menjëherë në kontakt me qytetarë shqiptarë të zonave të prekura, ndërsa i bëjmë thirrje që për çdo nevojë t’i drejtohen Ambasadës në nr. +30 6941658183”.
Të paktën 50 persona humbën jetën pas zjarreve që shpërthyen në Atikën Perëndimore, ndërkohë që autoritetet i frikësohen faktit për më shumë viktima, pasi shumë persona kanë telefonuar shërbimin zjarrfikës për persona të humbur.
Ndërmjet viktimave ka shumë fëmijë. Të gjitha viktimat janë gjetur në zonën mes Rafinas dhe Nea Makri, sidomos në Mati dhe Kokkino Limanaki. Deri tani ka edhe 150 të plagosur. /tesheshi.com/
