Peruja dhe Kolumbia u kanë bërë thirrje vendeve fqinje për një takim të krerëve të shteteve muajin e ardhshëm, ku në qendër do jenë zjarret e egra në Amazona me Brazilit dhe Bolivisë, si dhe propozuan një pakt për të mbrojtur atë që ndryshe quhet “mushkëria e botës”.
Takimi është vendosur të zhvillohet në 6 shtator në rajonin Amazon të Letikës, Kolumbi, thanë të dy vendet pas një takimi midis presidentëve peruanë dhe kolumbianë, Martin Vizcarr dhe Ivan Duque.
“Ne kemi nevojë për të ngritur zërin tonë në nivelin presidencial dhe të krijojmë një pakt në të cilin do të koordinojmë veprimet për Amazonën tonë”, tha Duque në një konferencë shtypi në qytetin peruan të Pucallpas.
Viczarra tha në takim se ai do t’u kërkojë vendeve fqinje të hartojnë një plan të përbashkët për mbrojtjen e pyjeve të Amazonës, të ndara mes Brazilit, Perusë, Kolumbisë, Venezuelës, Ekuadorit, Bolivisë, Guajanës dhe Surinamit.
“Nuk duhet të jetë vetëm një reagim i menjëhershëm ndaj zjarreve. Ne kemi nevojë për një plan afatgjatë se si të shmangim shpyllëzimet”, vuri në dukje Viczarra.
Nga ana tjetër, Duque i quajti zjarret në Brazil “shqetësuese”, por shtoi se të gjithë njerëzit në botë duhet të jenë më të vetëdijshëm se si kontribuojnë në ndryshimin e klimës.
Zjarret nuk janë të kufizuara në Brazil, pasi të paktën 10,000 kilometra katrorë po digjen në Bolivi, përgjatë kufirit me Paraguain dhe Brazilin.
Presidenti i majtë bolivian Evo Morales, të premten bëri thirrje për një takim urgjent të vendeve të Amazonas, por tha se disa prej tyre nuk ishin të interesuar për arsye ideologjike.
Zjarret në Brazil kanë çuar në një krizë serioze në qeverinë e krahut të djathtë të Presidentit Jair Bolsonaro, e cila po humbet popullaritetin në vend dhe po izolohet gjithnjë e më shumë ndërkombëtarisht për shkak të llojit të reagimit të zgjedhur. /tesheshi.com/
