Një zjarr gjigand pyjor ka shpërthyer në zonën e evakuuar rreth termocentralit bërthamor të Çermobilit, ku paraprakisht thuhet se po shkakton rritje të niveleve të rrezatimit radioaktiv.
Zjarri u përhap në rreth 100 hektarë, tha Yehor Firsov, kreu i Shërbimit të Inspektimit të Mjedisit Shtetëror të Ukrainës.
Ministria e Shërbimeve të Urgjencës tha se 130 zjarrfikës dhe dy avionë ishin përfshirë në operacionet për shuarjen e flakëve.
Por rrezatimi radioaktiv, akoma i pranishëm pas aksidentit bërthamor të vitit 1986, po pengon përpjekjet e zjarrfikësve.
Zona është kryesisht e pabanuar, megjithëse rreth 200 njerëz kanë mbetur aty pavarësisht urdhrave për të lënë zonën. /tesheshi.com/
