Presidenti i Ukrainës, Volodymyr Zelensky, publikoi një video që tregon tymin nga zona e termocentralit bërthamor i Zaporozhyes, i cili aktualisht kontrollohet nga rusët.
Zelensky gjithashtu thekson se nivelet aktuale të rrezatimit janë brenda kufijve normalë, por paralajmëron se ekziston rreziku i përshkallëzimit për sa kohë që rusët mbajnë kontrollin mbi zonën.
“Aktualisht, nivelet e rrezatimit janë brenda kufijve normalë. Megjithatë, për sa kohë që terroristët rusë mbajnë kontrollin e centralit bërthamor, situata nuk mund dhe nuk do të jetë e qëndrueshme,” paralajmëron Zelensky.
Ai përsëriti se Rusia duhet të marrë përgjegjësinë për këtë situatë, si dhe për agresionin e saj kundër Ukrainës.
“Ne presim që bota të reagojë, ne presim reagimin e IAEA. Rusia duhet të mbajë përgjegjësinë për situatën. Vetëm kontrolli ukrainas mbi Zaporozhye mund të garantojë një kthim në normalitet dhe siguri të plotë”, përfundon Zelensky.
SONDAKİKA | Zelensky, Zaporozhia nükleer santralinde çıkan yangının videosunu paylaştı ve dünya ülkelerini Rusya’ya tepki göstermeye çağırdı. pic.twitter.com/tW3q2TD88Y
— Fahrettin Altay (@FahrettinAltay_) August 11, 2024
Kreu i Nikopol RVA, Yevgeny Yevtushenko, ka deklaruar më parë se termocentrali bërthamor në Zaporizhya po funksiononte normalisht, por se rusët ndoshta dogjën një numër të madh gomash makinash në kullën ftohëse.
“Sipas informacioneve jozyrtare që morëm nga burime në anën e kundërt, rusët dogjën sasi të mëdha gomash makinash në një kullë ftohëse përgjatë bregut të ish-rezervuuarit”, tha Jevtushenko. /tesheshi.com/
