15 mijë persona ndodheshin në një tempull dhe në rrugët përreth, për të parë fishekzjarret që sinjalizonin ardhjen e vitit të ri në Indi. Më pas ndodhi tragjedia: një zjarr i madh nisi papritur dhe si pasojë janë shënuar 110 viktima (por bilanci nuk është ende përfundimtar) dhe 350 të plagosur. Tempulli ndodhej në Kerala, në jugperëndim të Indisë.
Zjarri shpërtheu gjatë orëve të para të mëngjesit (në orën 3 me orën lokale), kur në tempullin e Puttingalit, në fshatin Paravur, për të marrë pjesë në garën e zjarrit e cila organizohet në ditën e fundit të javës festive, ishin mbledhur rreth 15 mijë persona.
Zjarrfikësit, policia dhe skuadra të tjera të shpëtimit kanë punuar gjithë natën për të nxjerrë njerëzit nga flakët.
“Situata tani është nën kontroll”, – ka komunikuar ministri i Brendshëm i shtetit indian, Ramesh Chennithala. /tesheshi.com/
