Flakët e zjarrit kanë përfshirë një park lojërash për fëmijë në veri të Tajvanit, ku të paktën 516 persona kanë ngelur të plagosur dhe 8 prej tyre janë në gjendje të rëndë për jetën. Zjarri ka nisur ndërsa në brendësi të parkut ishte duke u zhvilluar ‘color party’, një festë gjatë së cilës njerëzit hedhin në ajër pluhur të ngjyrosur.
Në festë ndodheshin më shumë se një mijë persona. Me sa duket, ka qenë pikërisht pluhuri i ngjyrosur, i cili merr flakë shpejt, shkaktari kryesor i zjarrit.
Mes të plagosurve më rëndë janë 4 kinezë dhe dy të huaj, ndërsa një vajzë 18 vjeçare nga Tajvani ka pësuar djegie në 90% të trupit. Policia ka marrë në pyetje dy punonjësit e parkut , të cilët kanë hedhur në ajër pluhurin e ngjyrosur, organizatorët e festë dhe dy teknikë, të cilët dyshohet se kanë neglizhuar punën në aspektin profesional. Ende ka shumë paqartësi në lidhje me këtë ngjarje, ndërsa vijojnë hetimet. /tesheshi.com/
