Këtë vit, Ramazani në vendin tonë përfshin përafërsisht 18 orë agjërim. Në ditët e nxehta të verës, është shumë me rëndësi që të mbesim të hidratuar gjatë agjërimit.
Ja disa këshilla që do të na ndihmojnë të qëndrojmë të hidratuar gjatë këtij Ramazani:
- Përpiquni që të pini së paku 8 gota ujë çdo ditë. Shmangi lëngjet në momentin kur e hap iftarin. Uji është lëngu më i mirë që të ndihmon të ngelësh i hidratuar. Shmangu nga pirja e sasive të mëdha të ujit përnjëherë apo gjatë një shujte. Pi ujë në mënyrë të rregullt, në mes të akshamit dhe sabahut.
- Nëse shkon në xhami për taravi, merre shishen e ujit me vete dhe pi nga një gellenjkë në intervale të rregullta.
- Mbaje një shishe uji afër shtratit tënd.
- Shmangu nga ushqimet të cilat shkaktojnë etje në kohën e iftarit, psh ushqimet e kripura, pastaj djegëset dhe përpiqu që të gjesh ndonjë alternativë më të shëndetshme.
- Pemët dhe perimet e freskëta janë ushqime të shkëlqyeshme për të ngrënë në momentin kur hap me iftarin, për shkak se ato përmbajnë ujë dhe fibra. Ato do të ju ndihmojnë të mbeteni të hidratuar, bashkë me lëngjet shtesë që i keni në sistemin tuaj. /tesheshi.com/
