Një zjarr i madh ka shpërthuer në një magazinë jo shumë larg qendrës së Tiranës.
Flakët e mëdha kanë përpirë një vend-mbajtje pajisjesh elektrike në rrugën “Siri Kodra” pranë ish-Stacionit të Trenit.
Tetë zjarrfikëse dhe forca të shumta policie ndodhen në vendin e ngjarjes pasi zjarri rrezikon të prekë një pikë karburanti pranë që mund të shkaktojë një katastrofë edhe më të madhe.
Paraprakisht nuk raportohet për persona të lënduar, por dëmet materiale përllogariten të konsiderueshme. Mbeten të paqarta shkaqet e rënies së zjarrit.
Policia e Tiranës, në një njoftim për shtyp thekson se: “Menjëherë në vendngjarje kanë shkuar shërbimet e Policisë dhe Zjarrëfikësja ku po punohet për fikjen e zjarrit dhe evakuimin i banorëve të ndodhur në banesat pranë. Si pasojë e zjarrit ka vetëm dëme materiale. Grupi hetimor ndodhet në vendngjarje për zbardhjen e plotë të shkaqeve dhe rrethanave të zjarrit”. /tesheshi.com/
