Nxjerrja në shitje në librari mesnatën e së premtes e librit “Zjarr dhe furi” që flet për kandidaturën e presidentit Trump dhe vitin e tij të parë në Shtëpinë e Bardhë ka sjellë radhë në Shtetet e Bashkuara. Mediat amerikane thonë se pas njoftimit për nisjen e shitjeve në mesnatë, janë formuar radhë që sjellin në kujtesë radhët për të blerë librat e rinj të serisë së “Harry Potter”.
Me dhjetëra njerëz janë mbledhur para librarive në Uashington për të blerë librin që ka nxitur një konflikt publik dramatic midis presidentit Donald Trump dhe ish-këshilltarit të tij, Steve Bannon.
Pasi presidenti u përpoq ta ndalonte publikimin e “Zjarr dhe Furi: brenda Shtëpisë së Bardhë të Trump”, shitjet kanë nisur më herët. Ndërkaq, autori i librit kontravers thotë se presidenti amerikan “ka kredibilitet më të pakët sesa ndoshta çdo njeri që ka ecur ndonjëherë mbi tokë deri më tani”.
Michael Wolff, i cili kaloi muaj në Shtëpinë e Bardhë të Trump duke bërë kërkime për librin, reagoi në këtë mënyrë ndaj pretendimeve të presidentit se libri ishte plot me gënjeshtra. /tesheshi.com/
