Partia në pushtet që drejton Zimbabven ka shkarkuar presidentin Robert Mugabe si lider të vetin, thanë zyrtarët. Partia ka caktuar ish-zëvendëspresidentin Emmerson Mnangagwa, i cili u shkarkua nga Mugabe dy javë më parë.
Shkarkimi i Mnangagwa nxiti zinxhirin e jashtëzakonshëm të ngjarjeve pasi ushtria ndërhyri për të bllokuar 93-vjeçarin Mugabe nga caktimi i gruas së tij, Grace në vend të zv.presidentit. Zonja e parë është përjashtuar tërësisht nga partia.
Mugabe pritet të takohet me liderët ushtarakë, ndërsa një eskortë është parë të dalë nga banesa e tij private të dielën. Me dhjetëra mijë qytetarë të Zimbabves kanë marrë pjesë në protesta në rrugë duke demonstruar kundër Mugabes, largimin e të cilit e kanë pritur me dekada. /tesheshi.com/
