Epidemia Zika, e cila po tmerron botën nga forca e tmerrshme e përhapjes dhe goditjes së fëmijëve në barkun e nënave shtatzëna, kërcënon edhe Ballkanin.
OBSH ka shpallur Malin e Zi si vend i mundshëm që mund të preket nga kjo sëmundje.
Gazeta më e madhe në vend Vijesti citon kreun e OBSH-së për Malin e zi që thekson se shteti ballkanik është i kërcënuar pasi aty gjendet një nga mushkonjat e rrezikshme që përhapin virusin.
OBSH ka theksuar se në stinën e verës shtetet më të mundshme europiane ku mund të përhapet kjo sëmundje janë: Kroacia, Mali i Zi, Greqia, Italia, Franca, Sllovenia dhe Spanja.
Përhapësit kryesor të sëmundjes janë konsideruar mushkonjat Aedes aegypti, të cilat janë gjetur kryesisht në Amerikën e Jugut dhe rajone të tjera tropikale.
Megjithatë, OKB theksoi në një deklaratë se virusi mund të transmetohet edhe nga mushkonja tigër (Aedes albopictus), të cilat jetojnë në Evropën e Jugut.
“Çdo vend evropian në të cilin jetojnë mushkonjat Aedes, është në rrezik të epidemive. Fillimi i verës dhe rritja e temperaturave do të shtojë në mënyrë dramatike rrezikun “, tha drejtori rajonal i Organizatës Botërore të Shëndetësisë (OBSH) për Evropën Suzana Jakab.
Këtë e ka bërë të ditur dhe Qendra Evropiane për Parandalimin e Sëmundjeve dhe Kontrollit.
Kombet e Bashkuara kanë paralajmëruar rrezik për ata që planifikojnë të kalojnë pushimet e ardhshme në Mesdhe.
Kreu i OBSH-së në Mal të Zi, Mina Brajoviç tha për Vijesti se gjatë pranverës dhe verës, me shfaqjen e mushkonjave, rreziku i transmetimit të virusit do të rritet.
“Gjatë dimrit, rreziku i transmetimit të virusit në rajonin e Europës është jashtëzakonisht i vogël, për shkak se klima nuk është e favorshme për aktivitetet e mushkonjave Aedes të cilat transmetojnë atë”, tha Brajoviç.
OBSH ka shpallur gjendjen e jashtëzakonshme, për shkak se sëmundja po bën kërdinë në Brazil dhe Amerikën Latine, por ka milionë të infektuar dhe në SHBA.
OBSH njoftoi se virusi mund të ketë goditur katër milionë njerëz. Simptomat e Zikës ngjajnë me rubeolën, skuqje të lëkurës, dhimbje në muskuj, temperaturë e lartë dhe lodhje të përgjithshme.
Ata shpjeguan se periudha e inkubacionit zgjat për disa ditë, është sëmundje plotësisht e shërueshme, por problem më i madh është se lë pasoja të mëdha te gratë shtazëna pasi mund ta transmetojnë tek fëmijët.
Ata theksuan se gratë shtatzëna dhe të sëmurët kronikë duhet të konsultohet me mjekun për të marrë këshilla dhe rekomandime.
Epidemiologët rekomandojnë që të mos përdoret ujë i ndjenjur, të mbahen rrjeta dhe ushqimet të jenë të mbuluara. Këshillohet që edhe gjatë veres të mos dilet me mëngë të shkurtëra dhe pantallona të shkurtëra por me veshje të gjata. Përgatiti: Ylli Pata – /tesheshi.com/
