Zinedin Zidane nuk bën kompromise kur bie fjala për lojtarët e Realit të Madridit. Francezi që këtë sezon fitoi gjithcka me Los Blancos, nuk i ka bërë lëshime as djalit të tij, Enzo Zidane, i cili deri tani kishte luajtur me ekipin e dytë të Realit.
Por duke filluar nga sot, Enzo Zidane (babai ia vuri emrin Enzo meqë ka qenë fans i belgut Enzo Shifo) do të jetë lojtar i Alaveshit në Spanjë. Marrëveshja është nënshkruar për 3 vite, por Reali ka të drejtën e riblerjes, nëse Enzo ngrihet në lartësinë e të atit si futbollist.
22-vjecari është larguar për 2.6 milion euro tek Alavesh, edhe pse tentoi disa herë të integrohej në skuadrën e parë madrilene. Në sezonin e fundit, Enzo Zidane luajti vetëm 45 minuta në një ndeshje të Kupës së Mbretit.
Por në një skuadër kur kualiteti është shumë i lartë, edhe Zidane nuk ka “toleruar”, duke dhënë pëlqimin që i biri të luante më shumë në një skuadër tjetër. Profesionalizmi mbi të gjitha, me Zidane nuk “ha bukë” miku. /tesheshi.com/
