Cristiano Ronaldo dhe yjet e tjerë të Realit të Madridit kanë patur mundësinë t’i shohin nga afër aftësitë mahnitëse të trajnerit të tyre teksa manovronte me top gjatë seancës stërvitore.
Zidane, dikur ish-lojtar i skuadrës madrilene, tani në rolin e trajnerit, nuk ka reshtur së luajturi me topin në përgatitjet e fundit para duelit të vështirë ndaj Atletik Bilbaos.
Ardhja e francezit në stol ka sjellë dhe harmoninë në dhomat e zhveshjes. Kështu të paktën kanë deklaruar futbollistët e Realit të Madridit, që me ish-yllin francez ndjehen më të lirshëm, ndërsa angazhimi nuk mungon asnjëherë.
Kjo reflektohet dhe në seancat stërvitore, si në të fundit, ku Zidane bashkohet me lojtarët dhe shpërfaq talentin e tij ende lehtësisht të dukshëm.
Nën drejtimin e tij, skuadra madrilene ka regjistruar tre fitore e një barazim, me një golavarazh mjaft pozitiv, me 13 gola të shënuar dhe vetëm tre të pësuar. /tesheshi.com/
