Trajneri i Real Madridit, Zinedine Zidane, ka folur në konferencën e zakonshme për media para ndeshjes kundër Romës, e vlefshme për fazën e 1/8-ve të Championsit, duke theksuar se ky kompeticion është me rëndësi për gjithë ata që janë pjesë e klubit.
“Champions League është e veçantë për klubin, për mua dhe për të gjithë lojtarët. Ne jemi të vetëdijshëm për traditën që kemi në këtë kompeticion, kështu që le të shohim se si do ta vazhdojmë. Gjëja më e rëndësishme është se ne jemi të gatshëm për të gjitha ndeshjet dhe jemi të gatshëm poashtu fizikisht. Jemi në gjendje të mirë për të dhënë gjithë potencialin tonë”, potencoi Zizu.
Francezi gjithashtu foli edhe për rivalin e tyre në ktë fazë të garave, derisa shprehet optimist se mund ta kalojnë sfidën.
“Ne kemi nevojë të vazhdojmë të performojë siç kemi bërë ndeshjet e fundit. Kemi nevojë për të bërë një fillim të fortë edhe pse ne e dimë se do të jetë vështirë. Roma është një ekip i mirë dhe si mysafir do të jetë e vështirë për ne. Ne kemi pasur një javë të mirë dhe jemi të gatshëm për ndeshjen”, përfundoi Zidane.
/tesheshi.com/
