Eurosongu që po mbahet në Izrael, ka patur si lajm dhe faktin që Fuldi Schwartz, 66 vjeç, vdiq gjatë përgatitjeve për festivalin.
Sipas Times of Israel, më 13 maj, një pjesë e ndriçimit ra mbi të. Ai u çuar nxitimthi në Spitalin Ichilov në Tel Aviv, por mjekët nuk arritën t’ja shpëtonin jetën. Ai dha frymën e fundit të enjten në mëngjes.
Punëtori mori plagë të rënda në kokë; brinjë të thyera e lëndime të shtyllës kurrizore – tha familja e tij për gazetarët.
Djali i tij Erez dyshonte për sigurinë në sallën ku u mbajt Eurosong.
“Ne nuk fajësojmë askënd, por si është e mundur që një ngjarje e tillë e madhe siç është Eurovizioni, me aq shumë para dhe aq shumë kontroll, të çalojë siguria?”, u tha ai gazetarëve.
Policia dhe zyrtarët e Departamentit të Sigurisë dhe Shëndetit në Punë nisën një hetim zyrtar. Organizatorët e Eurovizionit shprehën ngushëllimet e tyre për familjen Schwartz. /tesheshi.com
