Reporteri hollandez i krimit. Peter R. de Vries vdiq nga plagët pësuara në 6 korrik në Amsterdam.
De Vries u godit në kokë dhe u dërgua në spital pas sulmit.
Pavarësisht përpjekjeve të mjekëve për ta mbajtur bë jetë, ai nuk mundi, raportojnë agjencitë.
Kujtojmë, sulmi ndodhi vetëm disa minuta pasi ai u largua nga ndërtesa e RTL ku mori pjesë në shfaqjen e njohur televizive “RTL Boulevard”.
De Vries, i cili ishte i njohur për trajtimin e çështjeve të pazgjidhura dhe mbështetjen për familjet e viktimave të krimit, hetoi më shumë se 500 raste vrasjesh dhe luajti një rol të rëndësishëm në zgjidhjen e disa prej tyre.
Ai e filloi karrierën e tij si 20-vjeçar në De Telegraf, gazeta më e madhe ditore hollandeze.
Ai ishte një gazetar i ri kur në 1983 ndoqi rrëmbimin e Freddy Heineken, manjati i markës së famshme të birrës.
Dy të dyshuar për vrasje
De Vries tërhoqi vëmendjen në të gjithë botën kur hetoi rrethanat e zhdukjes së Natalee Holoëay në Aruba në 2005, për të cilën ai mori një çmim ndërkombëtar Emmy.
Informacioni që De Vries u qëllua shkaktoi një tronditje në Hollandë.
Mënyra në të cilën ai u vra sugjeron se ishte një sulm i planifikuar mirë.
Policia hollandeze ka arrestuar dy të dyshuar për vrasjen dhe kryeministri hollandez Mark Rutte tha se ai do të bënte gjithçka për të siguruar që drejtësia të vihej në vend. /tesheshi.com/
