Bota e futbollit u trondit nga lajmi për vdekjen e një foshnje djalë, porsalindur, të Cristiano Ronaldos.
Georgina dhe Ronaldo njoftuan në tetor të vitit të kaluar se ishin në pritje të binjakëve dhe tani duhet të përballen me humbjen tragjike të njërit prej tyre.
“Me dhimbjen më të thellë duhet të njoftojmë se djali ynë ka ndërruar jetë. Kjo është dhimbja më e madhe që mund të ndiejë një prind. Vetëm lindja e vajzës sonë të vogël na jep forcën për të jetuar në një moment me pak shpresë dhe lumturi. Ne do të donim të falenderonim mjekët dhe infermierët për vëmendjen e tyre. Djali ynë mbetet engjëlli ynë”, ka shkruar portugezi i famshëm.
Menjëherë pas publikimit të lajmit, Cristiano Ronaldo dhe familja e tij kanë marrë mesazhe të shumta mbështetjeje.
“Dhimbja jote është gjithashtu dhimbja jonë. Dashuri dhe forcë për ty dhe familjen tënde për momenin, Cristiano,” tha klubi i tij Manchester United.
Felipe Melo, një futbollist i famshëm brazilian, i tha Ronaldos: “Zoti sheh gjithçka, më vjen keq, legjendë”.
Po ashtu, ngushëllime përcollën dhe Edinho, Alex Telles, David de Gea, Alvaro Morata, Diogo Dalot, Kevin Prince Boateng, Badr Hari dhe shumë personazhe të tjerë të famshëm. /tesheshi.com/
