Kryeministri Rama ka bërë me dije se sot, kreu i Rendit Fatmir Xhafaj, do të bëjë një kallzim më Prokurori për të hapur një hetim në lidhje me një dekonspirim të mundshëm të aksionit për arrestimin e tre ish-krerëve të policisë së Vlorës.
Rama tha se vetëm një numër i kufizuar njerëzish kanë qenë në dijeni të aksionit për prangosjen e tyre, gjë është bërë e pamundur këto dy ditë, që kur media bëri me dije urdhërarrestet ndaj tyre.
Jael Çela, ish-drejtori i Policisë së Vlorës; Gjergj Kohila, shefi i sektorit të luftës kundër krimit të organizuar në drejtorinë e Qarkut Vlorë dhe Sokol Bode, ish-shefi i Krimeve dhe ish-shefi i kufirit në këtë drejtori, akuzohen për lidhje me trafikun e drogës në zonë, më saktë për bashkëpunim me Habilajt, por që tashmë rezultojnë të zhdukur.
Me gjasë, derisa do hapet dhe një hetim, aksioni për arrestimin e tyre është dekonspiruar, duke iu dhënë mundësinë që të fshihen, ose më keq akoma, të arratisen. /tesheshi.com/
