Kryeqyteti i Argjentinës është përfshirë nga protesta masive, ndërsa protestuesit u përleshën me policinë në Buenos Aires.
Tubimi masiv erdhi në përkujtimit të zhdukjes 1 muaj më parë të aktivistit Santiago Maldonaldo, për të cilin protestuesit fajësojnë autoritetet.
Mijëra persona pushtuan Plaza de Mayo, shesh jashtë pallatit presidencial në kryeqytetin argjentinas, duke mbajtur pankarta “ku është Santiago Maldonaldo?”, si dhe duke bërtutur “Vrasës, vrasës, vrasës!”
Sergio Maldonaldo, vëllai i aktivistit të humbur 28 vjeç, akuzoi qeverinë e krahut të djathtë të Mauricio Macri se po mbulon me forcë zhdukjen e tij.
Protesta u thirr nga shoqatat e të drejtave të njeriut, duke kërkuar gjetjen e Maldonados, i cili u zhduk gjatë një proteste në Mapuche në provincën Chubut, në Buenos Aires.
Demonstrata u organizua nga grupe opozitare, sindikata dhe lëvizjet më radikale.
Ndërsa fjalimet u mbyllën, disa nga protestuesit filluan të përplasen me policinë dhe të ngrenë barrikada, të cilave i vunë zjarrin. /tesheshi.com/
