Shoqata e Ulemave Sauditë, ka dalë me një deklaratë ku bën thirrjen për përmbysjen e Princit të Kurorës, Muhammed bin Salman, duke ua faturuar atij fatin e hidhur të gazetarit Jamal Khashoggi, zhdukur prej disa ditësh pasi u fut në konsullatën e Stambollit, e për të cilin po përforcohen zërat se është vrarë.
Në një deklaratë të përbashkët në profilin e tyre Twitter, Shoqata përshkroi “mizore” atë që dyshohet se ka ndodhur me gazetarin.
“Vendi ynë tani po zvarritet në një rrugë të rrezikshme për shkak të krizës aktuale. Princi Bin Selman, i cili është përgjegjës për këto incidente, ka arrestuar një numër të madh njerëzish dhe i ka dënuar me burg”, thuhet në deklaratë.
Që nga shtatori 2017, një numër i madh klerikësh, studiuesish, akademikësh dhe shkrimtarësh, si dhe biznesmenë, janë arrestuar në Mbretërinë e Bashkuar.
Shoqata pohon se duhet të emërohet një princ i ri i Kurorës dhe të arrestuarit duhet të lirohen menjëherë.
Princi Bin Salman, është njeriu që ka shpallur një sërë reformash për modernizimin e Mbretërisë, por nga ana tjetër ka ndërmarrë dhe masa represive me tezën e luftës kundër esktremizmit.
Riadi zyrtar e mohon kategorikisht përfshirjën në zhdukjen apo në vrasjen e gazetarit, i njohur si kritik i politikave të regjimit. /tesheshi.com/
