Bariu Zenun Baçi është shpallur i zhdukur mbrëmjen e djeshme ndërsa ka qenë me bagëtinë në malet e fshatit Katundisht në qytetin e Përmetit.
Në vendngjarje ka mbërritur një grup efektivësh, ndërsa nga Tirana kanë ardhur ekipi i forcave RENEA dhe një grup alpinistësh, të cilët po kërkojnë për 56 vjeçarin Baçi, të ndihmuar nga familjarët.
Të afërmit e Zenun Baçit shprehen se ai është një njeri i rregullt dhe jokonfliktual, ndërsa deklarojnë se kanë dyshime mos është vrarë nga ndonjë bari i zonës.
Deri në këto momente policia dyshon se mund të kemi të bëjmë me një ngjarje aksidentale apo aksidentim të 56-vjeçarit./tesheshi.com/
