Përfaqësuesi i posaçëm i BE-së në Kosovë, Samuel Zhbogar ka deklaruar se janë tëtë mundësi për qeverinë dhe politikën e Kosovës që tu dhurojnë qytetarët e tyre udhëtimin pa viza në vendet e BE-së. Nëse plotësohen atëherë komisioneri i Zgjerimit do të vijë të japë vendimin në fillim të vitit të ardhshëm.
Zhbogar tha se gjithçka varet nga koha e plotësimit të tetë kushteve të mbetura nga ana e Institucioneve të vendit.
“Unë nuk mund ta them këtë dhe do ta shpjegoj pse. Sepse kjo nuk varet nga Komisioni, varet edhe nga vendet anëtare por do t’ua them atë që mundem dhe atë që besoj se do të ndodhë“, deklaroi Zhbogar për RTK- në.
“Besoj se nëse Kosova angazhohet për zbatimin e tetë prioriteteve të mbetura në fillim të vitit 2016 Komisioneri ka thënë se është i gatshëm të vijë në Prishtinë që të vlerësojë se a janë kryer këto dhe më pastaj ta bëjë një propozim”, tha Zhbogar. /tesheshi.com/
