Reportazh
nga Ylli Pata
Vetëm 270 kilomentra nga Tirana, më afër se Saranda, një rrugë e shtruar dhe e rregulluar të çon në një qytet të vogël në veriun e Malit të Zi. Më shumë se një qytet, është një qytezë apo fshat i madh, i cili në periudhën dimërore mbushet me turistë që vijnë për të kaluar ndonjë ditë si për sport, për ajër të pastër, por edhe për pushim. Autobusi që na çon në Zhabiak ecën ngadalë dhe rruga bëhet për 5 orë që nuk janë të lodhshme.
Në ish-turizmin e vjetër na pret drejtori i turizmit të komunës Zhabjak, që mundohet t‘i ngrohë mysafirët me çaj e pije të nxehta, por dhe me petulla me mjaltë. i gjithë qyteti është në dispozicion të turizmit dimëror, shtëpi dhe hotele që variojnë në çmime nga 10 euro krevati pa ushqim, deri tek 20 euro dhoma në hotele por me dy vakte. Bora e ka mbushur mbi një metër. Në qendër të qytetit, ndodhet një qendër skish familjar, e ndërtuar pikërisht për fëmijët kryesisht. Javorovaca është qendra e parë e ndërtuar në vitet 70 kryesisht ku dhe u ndërtua teleferiku i parë në Mal të Zi. Vuk Popoviç, një 45 vjeçar, është pronari i qendrës dhe thotë se nuk është vetëm dimri koha pushimeve në këtë qendër dhe në Zhabliak. Por vera ka pjesën më të madhe të pushuesve. Vijnë nga Franca, Kanadaja, Italia dhe shumë vende për sportet ekstreme si rafting, biking, hiking etj.
Me një fjalë ia kanë dalë si ti marrin lekët europiaëve apo dhe turistëve të tjerë. Në fakt, këtu turizmi është industri, të gjithë punojnë për të, madje edhe banorët që nuk merren me këtë lëmi, që janë rreth 20% e që kryesisht rrisin bagëti apo janë bujq, punojnë në funksion të turizmit. Këtu nuk ka asnjë udhqim në hotele që të mos jetë produkt i zonës. Për shembull, në restorantet e Zhabjakut nuk gjen sallatë të freskët, por vetëm turshi të përgatitur nga fshatarët e komunës. Ngase tani çdo gjë e ka mbuluar dëbora. Me një fjalë qark i mbyllur i turizmit. Zhabjaku ka dy qendra skish, një në qendër që është Javorovaca, por edhe një tjetër më e madhe ëe është Savin Kuk. E cila përbën majën e lartë prej 2330 metra mbi nivelin e detit. Kjo qendër skish është e lartë 800 metra dhe për një person që dëshëron të rrëshqasë e të ngjitet me teleferik duhet të paguajë 10 euro, ndërsa për fëmijët, 8 euro. Qeveria e ka rishtetëzuar duke e marrë në dorë menazhimin për ta fuqizuar dhe tjia shitur ndonjë kompanie apo corporate të madhe të turizit. Siç ka bërë në Budva. Drejor është një djaloë i ri i diplomuar për ekonomi në Londër. Ai thotë se qëllimi është ta gjallërojë zonën dh eta bëjë një vend ekonomik për të gjithë. Zhabjaku është pjesë e parkut të mbrojtur të vargmaleve Dormitor, i cili ruhet dhe përdoret me fanatizëm për turizëm. Pishat dhe bredhat jnë kudo në zonë dhe qyteti i banuar ndodhet mes të pyllit dhe parkut natyror. Pra natyra bashkëjeton me njeriun dhe teknologjinë duke u kthyer në industri. E cila nuk e shkatërron ambjentin dhe prodhon punësim për rreth 4 mijë banorët e zonës, të cilët nuk kanë nevojë për industri. Një turizëm që nuk ecën me bujtina dhe ambjente mesjetare si në malësitë tona, por me hotele dhe turizëm të orgnizuar e të ndihmuar nga shteti. “Paguajmë vetëm 7% TVSH për fjetjen, për pijet akolike e kemi më të madhe” thotë Popoviç i cili shton se qeveria i ka suvensionuar për një kohë të gjatë. Ata presin mjaft turistë nga Shqpëria dhe po organizojnë vazhdimisht ture me grupe. Një koordinim i një ekonomie të zhvilluar, që paratë ua merr gjithë fqinjëve dhe në fakt mysafirët siç i quajnë turistët, i lë të kënaqur. Ndërsa Shqipëria, është ennde te hanet, për të cilat ish-ministri Pango pati bërë edhe një guidë, të cilën e cilësonte një gjetje…
(tesheshi.com)
