Kryetari i Komisionit Qendror të Zgjedhjeve, Klement Zguri thotë se KQZ nuk ka të fshehta për publikun, në reagim të kërkesës së socialistëve për shkarkimin e tij me pretendimin se ka fshehur dosjen e kryebashkiakut të Mallakastrës, Agron Kapllanaj.
“Nuk ka vetëm kronika lajmesh, por ka mbledhje, proçesverbale, akte dhe vendime. Të gjitha publike. Të gjitha mund të konsultohen në çdo kohe nga çdo njeri. KQZ-ja nuk fsheh. KQZ-ja vetëm zbardh. Kështu që edhe në rastin konkret, e vërteta është krejt tjeter, është e kundërta e asaj qe pretendohet”, thotë Zguri.
Zguri thotë se respekton funksionin e zyrtarit, dhe se refuzon që të përfshihet në ato që i quan “lojëra politike”. /tesheshi.com/
