Presidenti serb Aleksandar Vuçiç pret që të takohet me kancelaren gjermane Angela Merkel për të diskutuar një metodologji për bisedime në zgjidhjen e ngërçit me Kosovën.
Por ai thekson se bisedimet nuk do të kenë të bëjnë me një plan për të zgjidhur çështjen e Kosovës, siç spekulohet në media.
“Unë nuk mendoj se ndonjë plan i ri do të diskutohet. Askush nuk mund të dalë me një plan dhe të thotë ‘merr këtë ose të lërë atë”, tha Vuçiç.
I pyetur nëse Berlini po i shpejton bisedimet për Kosovën për shkak të angazhimit të SHBA-së, presidenti serb tha se nuk do ta komentojë atë, por se situata është sigurisht e vështirë për serbët.
“Sigurisht që është e vështirë për ne, sepse çdo zgjidhje që vjen nga jashtë do të jetë një zgjidhje e imponuar për një lloj njohjeje të pavarësisë së Kosovës. Pra, duhet të gjejmë një formë të normalizimit që do të shkonte pa atë … Ose ata do të ofrojnë diçka të mirë për serbët, për të cilën nuk besoj”, vuri në dukje Vuçiç. /tesheshi.com/
