Asambleja e Partisë Socialiste ka zgjedhur sot Sekretarin e Përgjithshëm, si dhe 20 anëtarët e rinj të kryesisë.
Ndërkohë që Ruçi nuk ka pasur rivalë, për 20 anëtarët e kryesisë është votuar me një skemë të ndarë, gra dhe burra veç.
Për shtatë vende të zonjave konkurruan dhjetë anëtare të Asamblesë.
Kurse për 13 vende të burrave konkurruan 17 anëtarë.
Propozimet, bashkë me emrat e sekretarëve të rinj, i shpalli kryetari i PS-së, Edi Rama.
Në fund të votimit u shpallën 20 emrat e rinj të kupolës së selisë rozë.
Kryesia e re
Eglantina Gjermeni
Mimi Kodheli
Vasilika Hysi
Lindita Nikolla
Evis Kushi
Olta Xhaçka
Valentina Leskaj
Arben Ahmetaj
Armando Subashi
Blendi Klosi
Damian Gjiknuri
Ditmir Bushati
Erjon Brace
Erion Veliaj
Fatmir Xhafaj
Niko Peleshi
Pandeli Majko
Saimir Tahiri
Taulant Balla
Vangjush Dako
Këtyre 20 emrave u duhen shtuar edhe sekretarët e rinj, që u votuan pa rivalë, e të cilët
janë:
Sekretarët
Sekretari për organizimin administrativ, Bashkim Fino
Për organizimin dixhital, Alfred Peza
Për menaxhimin e burimeve njerëzore dhe koalicionin, Musa Ulqini
Sekretari për rininë, Elisa Spiropali
Sekretari për reformën strukturore dhe emigracionin, Koço Kokëdhima
Sekretari elektoral, Blerina Gjylameti
Koordinatori për programin, Ilir Beqja
Krahasuar me kryesinë e vjetër, nuk figurojnë emrat e Eduard Shalsit, kryetar i komisionit parlamentar të Veprimtarive Prodhuese, Shkëlqim Canit, ish-ministër i Financave, Ben Blushit dhe Arben Isarajt.
Arta Dade dhe Namik Dokle tërhoqën kandidimin që në fillim të mbledhjes së Asamblesë, duke refuzuar të marrin pjesë në udhëheqjen e re. /tesheshi.com/
