Parlamenti i Maqedonisë ka votuar dhe ka zgjedhur sot pasardhësit e dy ministrave, të cilët dhanë dorëheqjen mbrëmjen e djeshme, pas ngjarjeve të ndodhur në Kumanovë.
Ministrat që u votuan sot ishin ai i Brendshëm, Mitko Çavkov si dhe ministri i ri i Transportit dhe Lidhjeve, Vlado Misajllovski, të cilët morën 71 vota.
Në këtë votim në parlament morën pjesë edhe deputetët e Bashkimit Demokratik për Integrim.
Të pranishëm në seancën e votimit ishin 12 deputetë të kësaj partie dhe gjithë deputetët e koalicionit të VMRO-DPMN-së, ndërsa katër deputetë të pavarur votuan kundër.
Votimi i ministrave të rinj erdhi pas dorëheqjeve të ministres së brendshme Gordana Jankullovska dhe ministrit të Transportit, Mile Janakievski, për shkak të aferrës së përgjimeve dhe pas presioneve ndërkombëtare.
Në vijim të seancës pritet votimi i dy ministrave të rinj të kabinetit të Nikolla Gruevskit. /tesheshi.com/
