Lulzim Basha, Kryetar i Partisë Demokratike iu shmang sot një përgjigjeje nëse do të rikandidonte për një mandat të dytë për Bashkinë e Tiranës. Basha tha se do të bënte publik vendimin në kohë e duhur.
Duket se kreu demokrat ende nuk ka një vendim mbi atë cka do të bëjë, ndërsa edhe vetë figurat qendrore të Partisë Demokratike janë të ndarë në qëndrime.
Disa nga bashkëpunëtorët e Bashës theksojnë se kreu demokrat nuk duhet të rikandidojë për faktin se ai duhet të përgatisë strukturat e PD për fitimin e zgjedhjeve parlamentare.
Në anën tjetër deputetë demokratë në deklarimet publike i kanë kërkuar Bashës të kandidojë për një mandat të dytë, pasi kjo është një kërkesë jo vetëm e strukturave.
Ish-Kryeministri Berisha në deklarimin e fundit publik ka thënë se gjithcka do të varet nga Basha, edhe pse ky i fundit duket se synon një tërheqje nga përballja direkte e 21 Qershorit.
