“Hillary Clinton duhet të shkojë në burg”. Është kjo bomba elektorale e radhës e Donald Trump, i cili ka folur në një konferencë në San Jose të Kalifornisë , siç raporton Cnn. “Njerëz, sinqerisht, ajo është tërësisht fajtore”, – ka thënë Trump duke iu referuar çështjes së përdorimit të një serveri privat të emaileve nga ana e Clinton gjatë kohës që ka qenë Sekretare e Shtetit. Kandidatja demokrate e ka cilësuar Trumpin si “ të rrezikshëm dhe të papërshtatshëm”.
“Injorant, i rrezikshëm, inkoherent dhe joserioz” kanë qenë epitetet që Hillary Clinton ka përdorur për të identifikuar kandidatin republikan gjatë garës së të dyve për Shtëpinë e Bardhë.
“Me Donald Trump në presidencë, Shtetet e Bashkuara të Amerikës do të nisin konflikte ushtarake të panevojshme dhe do të zhytemi në një krizë të madhe ekonomike. Këto janë disa prej arsyeve se pse zgjedhja e tij në zgjedhjet e nëntorit do të ishte një gabim historik”, – ka thënë Clinton. /tesheshi.com/
