Kryetari i Parlamentit të Maqedonisë, Talat Xhaferi tha se do të thërrasë zgjedhjet presidenciale jo më vonë se 8 shkurti dhe se raundi i parë duhet të mbahet më 21 prill.
“Ne e konsiderojmë mundësinë që raundi i parë i zgjedhjeve presidenciale do të mbahet më 21 prill dhe i dyti më 5 maj, e cila që do të plotësohet me kuadrin ligjor”, tha Xhaferi në një konferencë për shtyp.
Sipas tij, fillimisht ishte planifikuar që raundi i parë i zgjedhjeve presidenciale në Maqedoni të mbahej më 14 prill, dhe 28 i dyti, por data u zhvendos për shkak të Pashkëve – 28 prill.
Mandati i presidentit aktual Gjorge Ivanov skadon më 12 maj, që është dhe data kur duhet të përurohet nga pasardhësi i tij.
Xhaferi tha se në zgjedhjet e ardhshme presidenciale nuk duhet të thërrasë dhe zgjedhje të reja të parakohshme parlamentare për shkak të angazhimeve të integrimit në NATO dhe BE, por shtoi se vendimin e marrin partitë politike e jo parlamenti.
“Unë mendoj se kjo është idee e gabuar, por është një vendim i partive politike dhe nëse ata zgjedhin kështu (për të qenë zgjedhjet parlamentare) është e drejta e tyre”, tha Xhaferi.
Zgjedhjet e jashtëzakonshme parlamentare i kërkon partia më e madhe opozitare VMRO-DPMNE, menjëherë pas mazhoranca miratoi ndryshimet kushtetuese për ndryshimin e emrit të vendit në Republika e Maqedonisë Veriore. /tesheshi.com/
