Presidenti turk Erdogan tha se zgjedhjet presidenciale dhe parlamentare të vendit do të mbahen më 14 maj, siç ishte planifikuar, pak më shumë se tre muaj pas një tërmeti shkatërrues që vrau më shumë se 45,000 njerëz në Turqi.
“Ky komb do të bëjë atë që është e nevojshme më 14 maj”, tha ai në një fjalim para përfaqësuesve të Partisë së tij për Drejtësi dhe Zhvillim (AKP).
Është data për të cilën Erdogan kishte folur më parë dhe nuk e zhvendosi për shkak të tërmetit.
Duke dënuar ata që kritikuan qeverinë e tij për qeverisje të dobët pas tërmetit të 6 shkurtit, Erdogan tha: “Ne do t’u japim atyre një përgjigje adekuate më 14 maj”.
Pasojat e tërmetit
Zgjedhjet presidenciale dhe parlamentare në Turqi ishin planifikuar më parë për 18 qershor, por u zhvendosën për 14 maj.
Sondazhet e bëra përpara tërmeteve shkatërruese sugjeruan se zgjedhjet parlamentare dhe presidenciale do të ishin të vështira dhe përfaqësojnë provën më të madhe të Erdoganit në dy dekadat e tij në krye të një fuqie ushtarake rajonale, një anëtari të rëndësishëm të NATO-s dhe një ekonomie të madhe që vazhdon të rritet.
Erdogan dhe AKP-ja e tij po përballen me një breshëri kritikash për reagimin e tyre të pamjaftueshëm pas tërmetit dhe pajtueshmërinë e dyshimtë me kodet e ndërtimit, mospërputhja e të cilave shihet kryesisht si arsyeja kryesore për numrin e lartë të vdekjeve dhe shkatërrimet masive.
Kujtojmë që 14 maji është dhe një datë zgjedhjesh në Shqipëri, ato Lokale, ku sipas të treguesve të deritanishëm, mazhoranca qeverisëse ruan të pacenueshëm një avantazh fitues.
Janë zgjedhje që pritet të rikonfimojnë vijueshmërinë e pushtetit nga Rama, siç ashtu të ato të Turqisë pritet të rikonfirmojnë vijimin e pushtetit nga Erdogan. Për koiçidencë politike, të dy janë miq edhe njerëzorë për kokë dhe me jetëgjatësi në qeverisje. /tesheshi.com/
