Presidentja e Komitetit Kombëtar të Demokratëve (DNC), Debbie Wasserman Schultz nuk do të udhëheqë me konventën e partisë, e cila fillon të hënën në Philadelphia. Kjo pasi Wikileaks ka publikuar 20,000 e-maile të Partisë Demokratike, të cilat sugjerojnë se është punuar në mënyrë aktive për të diksredituar fushatën e senatorit nga Vermont, Bernie Sanders, duke favorizuar kështu Hillary Clinton për kandidate presidenciale të demokratëve, ka njoftuar CNN.
Ky vendim është marrë nga Komisioni i Partisë për Mekanizma Procedurale, ndërsa Schulz do të zëvendësohet nga një anëtar i Dhomës së Përfaqësuesve nga Ohajo, Marcia Fudge.
Në një prej e-maileve sugjerohet se Sanders mund të jetë ateist, edhe pse ai ka folur haptazi për trashëgiminë e tij hebreje.
Gjatë një interviste për CNN, Sanders i ka quajtur këto komente të “tmerrshme”, dhe ka thënë se “kjo ka qenë ndonjë shock për të”, pasi për të njëjtën temë ishte prononcuar gjashtë muaj më parë, kur është shprehur se Komiteti Kombëtar i Demokratëve është duke mbështetur Hillary Clinton dhe po kundërshton fushatën e tij.
Disa liderë demokratë kanë bërë thirrje për dorëheqjen e zyrtarëve të partisë, duke përfshirë presidentin Schultz, raporton Zëri i Amerikës.
Ndërkohë që, demokratët po përgatiten për konventën kombëtare në të cilën ish-sekretarja e shtetit, Hillary Clinton edhe zyrtarisht do të shpallet kandidate e partisë për president të SHBA, në zgjedhjet 2016.
Kjo është hera e parë që një parti politike në SHBA do të zgjedhë një grua për kandidate presidenciale. /tesheshi.com/
