Të gjithë partitë dhe listat shqiptare në komunën e Mdvegjës kanë fituar më pak se 25 përqind në zgjedhjet e djeshme lokale.
Siç bën të ditur për Tanjug një zyrtar i komisionit komunal zgjedhor, lista e kryeministrit, Aleksandër Vuçiç, ka marrë mbi 60% të votove ose 20 këshilltarë nga 35 gjithsej.
Ivan Kostiç, i tha Tanjugut se lista politike e kryetarit të Bujanocit, Nagip Arifi, ka arritur të marrë më shumë se 14% të votave, ndërsa koalicioni ndërmjet Partisë për Veprim Demokratik dhe Unioni Demokratik i Shqiptarëve kanë marrë rreth 9% të votave.
Këto parti kanë arritur të futen në këshillin komunal dhe pritet të kenë rreth 10 këshilltarë gjithsej. Në zgjedhjet e Medvegjës konkuruan tre lista zgjedhore serbe dhe dy shqiptare.
Nga listat serbe përveç fitueses që kryesohet nga Partia Progresive e Serbisë e Vuçiç, ku bëjnë pjesë një numër i madh partish, në këshillin e Medvegjës është futur edhe grupimi qytetar “Për Jabllanicën e Epërme” me rreth 13 përqind.
Por ajo që duhet theksuar është se pjesëmarrja në votime mezi i ka kaluar 50% të numrit të përgjithshëm të zgjedhjeve çka do të thotë se një numër i madh votuesish nuk kanë mundur të shprehin vullnetin e tyre.
Ditën e djeshme janë ndaluar shumë autobuzë në kufirin mes Kosovës dhe Serbisë, ku ndodheshin një numër i madh qytetarësh të Medvegjës. Në Kosovë jetojnë shumë shqiptarë rezidentë të Luginës së Preshevës, të cilët nga ndjekjet por edhe problemet ekonomike jetojnë përkohësisht në Republikën e Kosovës.
/tesheshi.com/
