Kryetari i AAK-së, Ramush Haradinaj takoi një delegacion të përfaqësuesve politikë të Medvegjës, ku këtë të diel mbahen zgjedhjet. Në këtë takim është biseduar për aktualitetin politik, dhe për problemet në prag të këtyre zgjedhjeve.
Mesazhi kryesor që ka dalë nga ky takim, është se detyrimi më i rëndësishëm qytetar për të gjithë banorët e Medvegjës, duke përfshirë edhe ata që aktualisht jetojnë në Kosovë, është pjesëmarrja në votimet e së dielës.
“Pjesëmarrja sa më e madhe në zgjedhjet komunale në Medvegjë, nënkupton përcaktim për më shumë hise politike të shqiptarëve në pushtetin e kësaj komune, që do të dalë nga zgjedhjet e së dielës”, ka thënë Haradinaj./tesheshi.com/
