Pothuajse të gjitha partitë në Maqedoni kanë nisur përzgjedhjen e kandidatëve për kryetar të komunave për zgjedhjet lokale të 15 tetorit.
Por duket se ky proçes po kalon me rivallitet mes kandidatëve që propozohen për secilën komunë deri në përcaktimin e emrit përfundimtar që do të përfaqësojë partinë e tij.
BESA në komunën e Çairit pritet të zhvillojë garën më të madhe. Kjo për faktin se kjo komunë konsiderohet një nga bastionet që për vite me rradhë i përkiste BDI, por në zgjedhjet e fundit parlamentare kjo tabu u thye dhe BESA doli forcë e parë.
Bekim Sali, Kastriot Rexhepi dhe Skënder Rexhepi -Zejdi janë tre kandidatët, që përfliten nga BESA.
Bekim Sali iu bashkua BESA periudhën e fundit, pasi ka qenë pjesë e BDI-së, madje ka pasur edhe funksione në këtë parti.
Skënder Rexhepi-Zejd gjithashtu është një propozim i dalë nga kryesia qendrore e Lëvizjes BESA dhe flitet se është favorit për këtë garë, ndërkohë që vendimin sigurisht do e ketë forumet drejtuese.
Kastriot Rexhepi, është një tjetër kandidat, për të cilin thuhet se ka një mbështetje në opinionin publik.
Gjithsesi të tre kandidatët tashmë do të duhet të presin ende për zyrtarizimin e njërit prej tyre, ose një tjetri emri që mund të dalë në skenë, pasi partitë kanë ende kohë për të përcaktuar përfundimisht garuesit e tyre për kryetarë komunash. /tesheshi.com/
