Partia e presidentit Emmanuel Macron ka triumfuar në zgjedhjet parlamentare të së dielës, duke siguruar shumicën e Asamblesë Kombëtare të Francës. Megjithatë, pjesëmarrja në votime ishte vetëm 35.3%.
La République en Marche, një parti e krijuar vetëm një vit më parë do të ketë shumicën absolute në parlamentin me 577 vende. Kështu, projeksionet e para të sondazheve sygjerojnë se Macron do të ketë 355 përfaqësues në parlamentin e ri. Republikanët dhe aleatët e tyre mund të formojnë një bllok të madh opozitar, me 107-133 vende . Socialistët, të cilët ishin në pushtet për pesë vitet e fundit, së bashku me partnerët e tyre, do të marrin mes 30 dhe 49 vendeve – më pak se në çdo palë zgjedhje të kaluara.
Ndërsa partia e Frontit Kombëtar të ekstremit të djathtë (FN) duket e vendosur të marrë të paktën 8 vende, edhe pse synon 15. Rezultati i parlamentareve 2017, i cili ishte një goditje e madhe për partitë tradicionale, i jep presidentit 39-vjeçar një mandat të fortë në parlament për të ndjekur planet e tij reformuese pro-BE dhe biznesit. Deputetët e rinj të partisë së Presidentit vijnë nga fusha të ndryshme të jetës dhe kanë shumë pak ose aspak eksperiencë në politike ndërsa kandidatët janë ndarë 50 me 50 përsa i përket gjinisë./tesheshi.com/
